الصبغات للشعر الأسود و في قشر الجوز الأخضر ؟

حبايبي يا حلوين يللي لون شعركن أسود و عم يطلع فيه شيب و حابين تغطوا الشيب يعني إزا كان و لابد من الصبغة استخدموا صبغة هيرباتنت لأنها طبيعية و مابتخرب الشعر
و إزا بدكن شي طبيعي 100% قشر الجوز الأخضر وورق شجر الجوز انقعوا بالمي و حطوا على شعركن متل الحنة و الله ممتاز و عن تجربة .

في كمان السدر و الجرجير >>>>> السدر بكثف الشعر و بفمقه و الجرجير بكثف و بغمق و بطول الشعر لأنه فيه زيت و معروفة فوائد زيت الجرجير للشعر .

بعدين منقوع الزعتر و الميرمية للشعر كمان ممتازين .

ومرة سنعت خبيرة التجميل ناهد ضناوي يللي بتطلع على إذاعة بانوراما عم تحكي عن شي اسمه الحجر الأسود لتغطية الشيب بيستخدم مع الحنة بس للأمانة أنا ماجربته و لابعرفه لأني أساسا ما بستخدم الحنة .

بس هي معلومات حلوة و سهلة و في ناس بيستخدمه مع السدر البصل و الثوم و قالوا مفيد بس كمان ماجربت .

بالتوفيق للجميع و حاولوا ريحوا شعوركن من الصبغات و حتى الخلطات الطبيعية لا تكثروا منها كتير بتخنق الشعر يعني خللوا الشعر يضل على طبيعته قدر الإمكان و يعتمد على حالوا و لا تحمموا شعركن أكتر من 3 مرات بالإسبوع لأنه كمان كتر الشامبو مؤذي و اهتموا بالغذاء الصحي و كان الله بالسر عليم

للتنبيه هي الخلطات يللي كتبت عنها للشعر الأسود بس يللي شعرها مو أسود أو مصبوغ بلون فاتح لا تجي تقول غمق شعري أنا نبهت .