لماذا الطبيب يضرب الطفل اول ولادته

السلام عليكم ورحمة الله وبركاته
ليش الدكتور يضرب الاولاد حينما يولدوا ؟؟؟
نبدأ بنكتة ....مرة أم كانت حامل في 3 تواءم ف وهي بتولد كل ما بيبي ينزل الدكتور يضربه عشان يعيط فطلع اول واحد وتاني واحد وفضل الدكتور يدور علي التالت ملقاهوش...فقال للممرضة خلاص قفلي واضح ان مفيش تاني...اول ما مشي الدكتور طلع البيبي التالت للممرضة وقالها...الراجل اللي بيضرب العيال مشي؟؟؟؟؟

موضوعنا النهاردة...هو ليه الراجل الدكتور ده بيضرب العيال؟؟؟
هنتكلم جد شوية وهنبدأ كلامنا بسبحان الله وبحمده...سبحان الله العظيم

الدورة الدموية عند الجنين بتبقي مختلفة عننا احنا...احنا دمنا بيبقي نقي يعني مفيهوش
(ثاني اكسيد الكربون) CO2
لكن عند الجنين بيبقي دمه مختلط يعني عنده اكسجين وثاني اكسيد الكربون مع بعض...ده بسبب وجود فتحة في القلب عند الجنين اسمها
foramen ovalis
طبعا اخواننا الدكاترة عارفينها كويس....المهم الفتحة دي مش عندنا طبعا يعني لازم تتقفل بمجرد مالجنين يتولد...بمجرد ولادة الجنين الفتحة دي بتلحم علي بعض وعملية اللحام دي بيساعد عليها بكاء المولود...كل ما يبكي اكتر الفتحة دي تلحم اكتر ويبقي الجنين صحته افضل عشان دمه يبقي نقي زينا لانه لو فضل مختلط هيسبب مشاكل صحية رهيبة...

سبحان من جعل كل مولود في العالم بمجرد خروجه من بطن امه يبكي ويصرخ ليتمم خلقة الله له....

الحمد لله علي كل شيئ
سبحان الله وبحمده...سبحان الله العظيم