نكت عسل

مرة واحد مخنوق من الدنيا كلها رن جرس الباب الصبح الساعة 10 لقى واحدة مزيعة بتقوله ممكن نعرف انت بتعمل ايه اول لما بتقوم من النوم قال انا بقوم من ام النوم بنزل ام رجلى اروح ام الحمام افتح ام الحنفية اغسل ام وشى اروح ام الاوضة اقلع ام الترينج والبس ام البنطلون انزل من ام الشقة اركب ام الاتوبيس انزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المذيعة شكرا يا فندم ويلعن ام البرنامج اللى خلانا نشوف ام وشك


مرة واحد بلديات نام بالمقلوب صحى لقى رجلو معمصة




اتنين محششين بيتفرجوا على مطش فالمذيع بيقول دربكة فى الدفاع دربكة فى خط الوسط دربكة فى الهجوم اوبااااااااااااااااااا جوة الجون فالمحشش قال لزميله اظاهر ان دربكة ده لعيب مية مية

مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى ولا كأنى سمعت حاجة

مرو واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين


اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله80 و انتوا؟ قاله لا إحنا السواق لسة ماجاش.

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه


واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو

مرة واحد مسطول ماشى قدام مزرعة لقى مكتوب عليها من برة مزرعة عجول دخل للبواب وقاله ياعم انتوا بتزرعوا العجول ازاى ؟راح البواب شافه مسطول قال اراضيه بكلمة عشان يمشى قاله احنا بنرمى السكر على الارض وتانى يوم بتطلع العجول روح المسطول البيت ورمى سكر على الارض تانى يوم لقى نمل كتيييييييييييييييييير على الارض قال يا حلاوة العجول وهى صغيرة